16:49 Əhəd Muxtar. Rubaion | |
 Çandi çan sore ki, şəhərdə jidəm, Ujən jogo bızın ğəribə kijəm... Çoko ğədəm nodəm bəştə dədə di,- Bedəm qiləy bılbıl,- az cə-cə jedəm... ****** Əvotin filimon... mujnə to bəmon, Bız bəmon, pəs bəmon, lap neqo bəmon... Orzumon dılədə rəsə, əçın ni, Bənə pozə zeri doədə ho bəmon... ****** Sa sori bəpeştən lopəjən bəbe, Zırnoəjən bəbe, dəpəjən bəbe, Əncəx bo parseyo hınəm rəsdəni,- Çəmə zıvonədən qəpəjən bəbe?... ****** Valla-billa maqi qətə əməni Sədə ağıl, dasədəmon ğəmə ni, Deşmen omdə, tıledəmon, şedəmon, Bəs ın zəmin, ın yurd, dudmon çəmə ni?! ****** Polo hardə toloş sio nun nəvedə, Tarıx bə yod dəşdə, dılım təvedə- Babəki vaxtiko zinisə ənışt, Isət piodə mandə, şe-şe həvedə... ****** Şatı-şur, sığ-rığe Bılabandi ro, Sape şim, saruadə mande bandi ro... Babəki xuninə kəşonım vinde, Bə sahat bomono be dılfandi ro! ****** Kaminə sa kərə bə dınyo şəm az, Dardikom vəş qətə, sutəm təvəm az, Məzın ğırə ğəzən bı dınyoədəybən, Vəyşti, cəhəndımı nohəx nəvəm az... | |
|
|
|
| Всего комментариев: 0 | |